Presidenti i DFB viziton Ambasadën e Kosovës në Gjermani

Kryetari i Lidhjes Futbollistike të Gjermanisë, Reihard Grindel ka vizituar Ambasadën e Republikës së Kosovës në Berlin. 

Në takim me Ambasadorin e Kosovës në Gjermani Beqë Cufaj, Grindel e ka uruar Ambasadorin Cufaj për sukseset e Kombëtares së Kosovës në Ligën e Kombev ndërsa ka potencuar që Asociacioni më i madh i futbollit në Evropë, DFB, do të vazhdojë që edhe në të ardhmen ta përkrahë Federatën e Futbollit të Kosovës. 

Tutje, Ambasadori Cufaj e ka përshëndetur në emër të Presidentit, Kryeminsitrit dhe bartësve tjerë të Institucioneve të Kosovës dhe e ka ftuar edhe zyrtarisht kryetarin e DBF ta vizitojë Kosovën vitin që vjen.

Ambasadori Cufaj në emër të Kryetarit të ri të Federatës së Futbollit të Kosovës, Agim Ademit dhe të Ministrit për Sport Kujtim Gashit, Presidentit të DFB i ka dhuruar një Triko të Kombëtares së Kosovës me Numrin e Kapitentit dhe Kryetarit legjendar të Federatës së Futbollit, Fadil Vokrrit.