Presidenti i Gjermanisë pritet sot në Tiranë

Pas 27 vjetësh një president gjerman do të vizitojë Shqipërinë

Për herë të parë në 27 vjetët e fundit, një president gjerman do të vizitojë Shqipërinë, përcjell albinfo.ch.

Frank-Walter Steinmeier do të mbërrijë në Shqipëri sot, më 1 dhjetor, dhe do të qëndrojë për të zhvilluar një vizitë dyditore.

Sipas agjendës së publikuar nga presidenca gjermane, në orën 10:00 Steinmeier do të pritet në presidencë nga kreu i shtetit shqiptar, Bajram Begaj. Më pas, për rreth 30 minuta, dy presidentët do të kenë një dalje për mediet.

Në orën 11:30 presidenti gjerman do t’i drejtohet seancës plenare, ku do të mbajë një fjalë përshëndetëse.

Më pas, presidenti federal i Gjermanisë pritet të zhvillojë një takim me kryeministrin Rama.

Në agjendë, Frank-Walter Steinmeier ka të planifikuar edhe një takim me nxënës nga Shqipëria dhe vendet e tjera të Ballkanit Perëndimor, në një diskutim mbi ballafaqimin me të kaluarën komuniste dhe një vizitë në një kompani gjermane.

Gjatë qëndrimit dyditor në Shqipëri, Begaj do të zhvillojë një vizitë në Berat dhe një vizitë në Muzeun e Sigurimit “Shtëpia me Gjethe”.

Vizita e presidentit gjerman, Steinmeier, vjen vetëm 5 ditë para samitit BE-Ballkani Perëndimor që për herë të parë do të zhvillohet në Tiranë. Gjithashtu, vizita vjen edhe si pjesë e një turi 4-ditor që Steinmaier e zhvillon në Shqipëri dhe Maqedoninë e Veriut, dy vende që këtë vit hapën nisën bisedimet për anëtarësim në Bashkimin Europian.

---