Presidenti i Shqipërisë takon arbëreshët e Italisë

Foto FB: Bajram Begaj

Presidenti i Shqipërisë, Bajram Begaj, është takuar me arbëreshët e Italisë, në Pallagario.

Lajmin e ka bërë të ditur vetë Begaj përmes një postimi në rrjetin social “Facebook”, prej nga u shpreh se pritja mbresëlënëse në Pallagorio është tregues se lidhjet mes Shqipërisë dhe arbëreshëve sot janë më të forta se kurrë.

“Këmbanat e Kishës së Pallagorios që ‘flasin arbërisht’ e që janë të drejtuara nga Shqipëria, përcjellin në mënyrë simbolike historinë e arbëreshëve. Më e madhja, me gdhendjet e saj, na kujton ata që emigruan në kërkim të fatit të tyre të ri, ndërsa më e vogla, na kujton gjuhën arbëreshe dhe origjinën e largët të arbëreshëve, paraardhësit e të cilëve mbërritën në malet e Kalabrisë nga ana tjetër e detit Jon”, ka shkruar ndër të tjera ai, përcjell albinfo.ch.