Presidenti Meta tregon fajtorin për krizën politike në Shqipëri

Presidenti i Shqipërisë, Ilir Meta në një intervistë për gazetën greke “Kathimerini” ka deklaruar se i vetmi konflikt në Shqipëri është ai mes kryeministrit Rama dhe shtetit të së drejtës.
Meta ka deklaruar se gjithmonë është shumë i hapur dhe bashkëpunues me kryeministrin dhe me të gjitha institucionet shtetërore dhe aktorët politikë për të nxitur një qasje pozitive dhe konstruktive politike për t’u përqendruar në reformat e integrimit, si përparësi kryesore për vendin.
“Në Shqipëri sot ka vetëm një konflikt madhor. Është konflikti mes kryeministrit dhe shtetit të së drejtës, demokracisë dhe pluralizmit politik. Ky është “nëna” e të gjitha konflikteve të tjera”, deklaroi presidenti për Kathimerini, përcjell albinfo.ch.
Ai ka shtuar se: “Përgjegjësia ndaj shtetit dhe interesi më i mirë kombëtar kanë qenë dy parimet e vetme udhëheqëse në ushtrimin e detyrës time dhe unë kurrë nuk do t’i komprometoj ato për hir të marrëdhënieve personale”.