Prishtinë: I infektuari me COVID-19 del në rrugë, sulmohet nga disa persona

Një i infektuar me COVID-19 nga Prishtina, nuk ka përfillur rregullat e izolimit, ai është parë në rrugë dhe raportohet se është rrahur nga disa persona

Është bërë e ditur se një person i infektuar me virusin COVID-19, ka dalë rrugëve të Prishtinës pasditen e së martës. I dyshuari është arrestuar nga policia, thuhet në raportin policor të Kosovës, transmeton albinfo.ch.

Thuhet se i dyshuari nuk iu është përmbajtur rregullave dhe vendimeve të Qeverisë për vetizolim, dhe ka dalë në rrugë.

Po ashtu në raport thuhet se ai është sulmuar fizikisht nga persona të panjohur në rrugë.

“Raportohet se i dyshuari mashkull kosovar i cili ishte pozitiv me virusin Covid -19 nuk i është përmbajtur rregullave dhe vendimeve të Qeverisë  për vetë izolim, është hasur në rrugë ku ishte sulmuar fizikisht nga persona të panjohur”, bëhet e ditur në raportin e policisë.

I dyshuari është dërguar në Qendrën Klinike Universitare, ndërkaq me urdhër të prokurorit, ndaj tij është iniciuar lënda. /Albinfo.ch.

---