Projekti që shkurton distancën mes Velipojës e Ulqinit nga 73 km në 300 metra

Kryeministri i Shqipërisë, Edi Rama, ka publikuar pamje nga projekti i urës mbi Bunë, të nënshkruar një ditë më parë mes dy qeverive, asaj shqiptare dhe të Malit të Zi.

Ky projekt pritet të lidhë dy bregdetet: Velipojën dhe Ulqnin, duke shkurtuar distancën nga 73 km në 300 m.

“Me projektin e “Urës mbi Bunë”, një projekt i bërë gati për zbatim nga Fondi Shqiptar i Zhvillimit, i cili do të bashkëfinancohet nga dy qeveritë, për të lidhur vendet tona duke shkurtuar distancën mes Velipojës e Ulqinit nga 73 km në 300m, si edhe duke i dhënë një shtysë të re lirisë së lëvizjes, turizmit dhe ekonomisë ndërkufitare, ju uroj një ditë të bukur”, shkroi Rama.

Qeveria shqiptare nënshkroi një ditë më parë me qeverinë malazeze marrëveshjen për ndërtimin e urës mbi lumin Buna në Shkodër.