Qeni besnik, një javë ruan “të dashurën” e tij të ngordhur

Plot një javë një qen qëndron pranë kufomës së  bushtrës së mbytur nga një makinë, pasi kishte kaluar nëpër rrugën automobilistike. Asnjëherë nuk e heq shikimin nga ajo dhe nuk lejon askënd që t`i afrohet “të dashurës” së tij të vdekur. Kaq e madhe duket të jetë dashuria dhe besnikëria ndaj saj.

Kjo dramë interesante po ndodh në Rusi, në regjionin Perm Filippovka, 1200 km larg Moskës.

Pasi që ishte mbytur në rrugën automobilistiuke, makina të panumërta kishin kaluar dhe askush nuk ishte ndalur ta hiqte nga rruga bushtrën e pajetë. Por këtë e ka miku i saj, një qen i racës së përzier, i cili e ka tërhequr atë në fushën përskaj rrugës. Dhe, që atëherë – ka kaluar një javë – nuk largohet as për një çast nga ajo.

Banorët lokalë tregojnë se ata disa herë kanë dashur ta marrin bushtrën për ta varrosur, por janë përballur me kërcënimin e qenit besnik. Ai nuk është mashtruar madje as nga joshja me ushqime që i kanë bërë banorët. Qeni vetëm leh dhe lëshon një ulërimë që tregon për pikëllimin e thellë që e ka kapluar.