“Quo vadis, Aida?” shpallet fitues i Festivalit Evropian të Filmit

Filmi që shpërfaq historinë e gjenocidit në Srebrenicë, përveç çmimit të parë të Festivalit Evropian të Filmit fitoi edhe dy çmime të tjera në ceremoni të organizuar nga Akademia Evropiane e Filmit, e cila u mbajt online për shkak të pandemisë.

Regjisorja e kētij filmi ua kushtoi çmimin nënave dhe grave të Srebrenicës, si dhe baballarëve, grave dhe djemve të vrarë.

Aktori më i mirë u shpall Anthony Hopkins për rolin e tij në “The Father”, kurse skenarin më të mirë e fituan Florian Zeller dhe Christopher Hampton.

Komedia më e mirë u zgjodh “Ninjababy”, me regji të Yngvild Sve Flikke.

“Fleet”, me regji nga Jonas Poher Rasmussen, u vlerësua për dokumentarin më të mirë dhe animacionin më të mirë, ndërsa regjisorja daneze, Susanne Bier, u nderua për kontributin e saj në kinemanë evropiane në mbarë botën.