Zvicra shënon temperatura rekorde në janar

Dimri i ngrohtë në Zvicër, pritet edhe muaji shkurt të jetë me temperatura plus

Për dallim nga e njëjta periudhë e vitit 2019, kur temperaturat ishin nën 8 ° C në disa rajone të Zvicrës, ky janar ka qenë një nga muajt më të butë në rekord që janë shënuar ndonjëherë në Zvicër, mes 13 deri 15 gradë celsius, transmeton albinfo.ch.

Pavarësisht nëse vjen nga ngrohja globale apo nga një fenomen tjetër klimatik, janari i këtij viti ka qenë përfundimisht jodimëror në Zvicër.

Në shumë vende janari ka qenë i ngrohtë në mënyrë të paarsyeshme dhe kishte rreze dielli, sipas një raporti nga shërbimi zyrtar i motit në Zvicër, Météosuisse, shkruan The Local.

Në Gjenevë, për shembull, dielli shkëlqeu me temperatura relativisht të larta dhe shënoi rekordin, duke e lënë pas janarin e ngrohtë, i cili pati datuar në vitin 2008. Po ashtu, edhe Berna pati temperatura që e thyen rekordin e mëparshëm.

Nga ana tjetër, vendi gjithashtu kishte shumë pak reshje në ditët e para të vitit.

Por natën e 27 deri më 28 janar, shiu i madh përfshiu Zvicrën. Erërat me mbi 120 kilometra në orë janë regjistruar në disa vende, duke u rritur në 150 kilometra në orë në lartësi.

Çfarë lloj moti mund të presim në shkurt?

Edhe pse parashikimet afatgjata nuk mund të bëhen, temperaturat e ditës për dy javët e ardhshme ka të ngjarë të variojnë nga 2 ° C deri në 14 ° C në Cyrih, nga 4 ° C në 15 ° C në Gjenevë, dhe 7 ° C deri në 19 ° C në Ticino.

Kështu që duket se dimri i butë pritet të vazhdojë në Swizland të paktën për të ardhmen e afërt. /Albinfo.ch

---