Qyteti italian që po kërkon mjekë shqiptarë  

(KEYSTONE/Jean-Christophe Bott)

Nevoja për personel mjekësor ka bërë që qeveria lokale e Kalabrisë të nisë punën për të huazuar mjekë e profesionistë të shëndetësisë dhe nga vende të tjera, mes të cilëve nga Shqipëria. Spitalet, qendrat mjekësorë, poliklinikat, janë në mungesë të 2400 mjekëve, gjë që po çon në kolaps shërbimin shëndetësor publik për banorët,

Komisari i jashtëzakonshëm për shëndetësisë i caktuar nga qeveria Draghit, e tani edhe e Giorgia Melonit, Roberto Occhiuto ka deklaruar pak orë më parë se po verifikojnë mundësitë për të punësuar mjekë nga Shqipëria, pasi dhe konkurset e hapura për të punësuar mjekë nga e gjithë Italia nuk po japin rezultat. Pas mbërritjes së mjekëve nga Kuba, “bluza të tjera të bardha” mund të mbërrijnë në spitalet kalabreze nga Shqipëria. Kështu tha sot presidenti i Rajonit, Roberto Occhiuto, me rastin e inaugurimit të sallave të reja operative të spitalit Castrovillari.

Duke biseduar me gazetarët, Occhiuto shpjegoi: Ne po verifikojmë gjithashtu mundësinë e punësimit të mjekëve nga Shqipëria për sa kohë që konkurset e hapura që po zhvillojmë nuk prodhojnë numrin e rekrutimet që ne shpresojmë.

Ndërkohë që mjekët nga Kuba po punojnë tashmë në disa spitale në Reggio. Kalabria ky rajon jugor i Italisë me gati 2 milionë banorë ndodhet në vështirësi organizative për të përballuar sistemin shëndetësor për popullatën me një deficit financiar rreth 1 miliardë euro/living