Rama: Clintoni hapi një epokë të re në Ballkan

Ish-presidenti i SHBA-së, Bill Clinton, po qëndron për vizitë në Shqipëri. Ceremonia zyrtare për Bill Clinton, ku ai do të nderohet me “Yllin e Mirënjohjes për Arritjet Publike”, u çel me një këngë të Manjola Nallbanit dedikuar ish-presidentit.

Ndërsa më pas fjalën e mori kryeministri Rama, i cili shprehu falënderimet e tij ndaj ish-presidentit dhe tha se ka qenë pikërisht ai që bëri të mundur gjetjen e aleatëve për çlirimin e Kosovës.

“E vërteta si drita e diellit, është se pa atë revolucion politik brenda të majtës europianë, ku e majta ideologjike në perëndim të Evropës shikonte te Millosheviçi një viktimë potenciale të imperializmit amerikan dhe jo një xhelat të pashpirt të popullit të dhunuar të Kosovës, presidenti Klinton nuk do i kishte gjetur kurrë aleatët për shkrimin e historisë së çlirimit të Ballkanit perëndimor nga diktatori i fundit”, tha Rama.

Ai theksoi se Clintoni me 5 aleatët kryesorë mundësoi vendimmarrjen historike të NATOS-s çlirimin e Kosovës dhe çeljen e një epoke të re, për këtë lagje si fuçia e barutit në zemër të Europës me emrin Ballkan./Albinfo.ch