Rama në Samit: Shans i madh se sa mund të bëjmë së bashku

Ky Samit mbledh liderë nga vende të ndryshme të Evropës për të diskutuar mbi çështje të sigurisë, bashkëpunimit rajonal dhe sfidave të përbashkëta politike e ekonomike në kontinent

Kryeministri i Shqipërisë, Edi Rama ka mbërritur sot në Armeni për të marrë pjesë në Samitin e tetë të Komunitetit Politik Evropian (EPC).

Ky Samit mbledh liderë nga vende të ndryshme të Evropës për të diskutuar mbi çështje të sigurisë, bashkëpunimit rajonal dhe sfidave të përbashkëta politike e ekonomike në kontinent.

Pjesëmarrja e kryeministrit Rama në këtë aktivitet vjen në kuadër të angazhimeve të Shqipërisë në proceset evropiane dhe forcimit të bashkëpunimit me vendet e Bashkimit Evropian dhe partnerët e tjerë ndërkombëtarë, transmeton albinfo.ch.

“Është një tjetër samit, Samiti i Komunitetit Politik Evropian dhe një tjetër mundësi për të ndarë ambiciet dhe shqetësimet tona të përbashkëta. Ndërkohë, është një tjetër shans i madh për të parë se sa mund të bëjmë së bashku dhe sa e rëndësishme është te ecet përpara me bashkimin e Evropës”, tha Rama.

Gjatë punimeve të samitit, pritet që liderët të trajtojnë tema me rëndësi strategjike për stabilitetin dhe zhvillimin e mëtejshëm të Evropës.

---