Rama: S’kemi nevojë për gazin rus, prandaj reagojmë fuqishëm

Shqipëria reagon ashpër ndaj Moskës sepse nuk ka nevojë për gazin rus, ka deklaruar kryeministri i Shqipërisë, Edi Rama në Forumin Strategjik të Bledit në Slloveni.

Shqipëria reagon ashpër ndaj Moskës, sepse nuk ka nevojë për gazin rus, ka deklaruar kryeministri i Shqipërisë, Edi Rama, në Forumin Strategjik të Bledit në Slloveni.

Komentet Rama i bëri kur u pyet lidhur me qëndrimin që do ta mbajë përballë ofensivës ruse, duke marrë në konsideratë edhe faktin se Shqipëria sapo ka arrestuar “dy shtetas rusë dhe një ukrainase që tentuan të hynin në një fabrikë ushtarake”, përcjell Albinfo.ch.

Sipas kryeministrit Rama, vendi ndodhet në kushte të tjera krahasuar me ato të vendeve të BE-së që janë të varura nga Rusia për energjinë.

“Shqipëria është shumë unike. Ne nuk kemi nevojë për gazin rus. Prandaj reagojmë fort ndaj Rusisë. Historia jonë ka qenë e tillë që ne nuk kemi asnjë lloj ndjesie kundrejt Rusisë. Në perandoritë sovjetike, monumenti i Stalinit u hoq me hijeshi në vitet 70-a, ndërsa ne e mbajtën edhe pas rënies së murit të Berlinit. Prodhimi ynë i energjisë është në bazë ujore. Kemi marrë një vendim kurajoz për të mos prekur çmimet për familjarët dhe bizneset e vogla. Ne po e mbulojmë plotësisht këtë diferencë që është e rëndësishme për buxhetin shqiptar. Ne ia kemi dalë”, tha Rama.

Duke folur për luftën në Ukrainë, Rama nuk hezitoi t’ia përmendë BE-së çështjen e vaksinave kundër Covid, që sipas Ramës, vendet joanëtare u lanë në harresë.

“Unë e shoh Ballkanin të ndershëm dhe krah Ukrainës deri në fund. Shpresoj që BE nuk do të bëjë gabimin gjatë pandemisë që ne na harruan krejt për vaksinat. Ne jemi në zemër të BE-së”, theksoi Rama./Albinfo.ch

---