Raperi gjermano-kosovar Azet në krye të listës

Raperi i Dresdenit Azet është ngjitur në krye të Listës Zyrtare gjermane me albumin e tij debutues "Fast Life".

Raperi nga Dresdeni Azet me albumin e tij debutues “Fast Life” kaloi grupin rock Frei nga Tiroli Jugor, njoftoi të premten GfK Entertainment.

25 vjeçari, me origjinë nga Kosova është pjesë e raperëve të Dresdenit Rap-Crew KMN Gang, që filloi më titujt në shtator të vitit të kaluar. Ai tani ndodhet në vendin e parë të rangimit, ndërsa në vendin e dytë dhe të tretë janë Wild me „Rivalen und Rebellen“ dhe Fun-Metalband J.B.O me albumin „Deutsche Vita“ respektivisht.

Rea Garvey me „Neon“ zbret nga vendi i dytë në të katërt, ndërsa raperi nga Berlini MC Bomber vendoset në vendin e pestë me albumin „Gebüsch“.