Referendum kundër ndarjes nga Berna

Përpjekjeve të separatistëve në regjionin e Jura-s së Kantonit të Bernës për t`u bashkuar kantonit Jura, i është kundërvënë një lëvizje që është pro Bernës. Kjo e fundit ka lancuar një fushatë për votimin gjithëpopullor rreth çështjes së Juras, që do të mbahet në vjeshtën e vitit 2013.

Gjatë muajve në vijim, “centralistët” do të prezantojnë argumentet të cilat, sipas tyre, tregojnë përparësitë e mbetjes së Jura-s me Bernën.

Sipas këshilltarit qeveritar të Bernës nga Partia Seocialdemokrate Philippe Perrenoud nuk ekziston më problemi i Jura. Ai e ka thënë këtë në kongresin e lëvizjes pro Bernë “Force democratique”, duke shkaktuar kështu kundërshtime nga një numër i pjesëmarrësve.

Perrenaud ishte paraqitur në këtë kongres për të argumentuar referendumin e planifikuar për vitin 2013 që mbahet në Jurën berneze dhe në vetë kantonin Jura.