Rita Ora dëshiron të këndojë shqip

Këngëtarja e njohur shqiptare ka folur për “20 min”, derisa dje ka mbajtur një koncert në Cyrih

Një nga këngëtaret më të njohura shqiptare është Rita Ora. Ajo ditë më parë ka mbajtur koncert në Munih dhe Koln të Gjermanisë, derisa dje mbajti një koncert në Cyrih të Zvicrës, shkruan albinfo.ch.

Rita ka dhënë një intervistë për “20min”, duke u shprehur se “do të ishte e mrekullueshme të incizoja një këngë në shqip ndonjë ditë”.

Ora nuk e ka harruar vendlindjen e saj, Kosovën, duke u shprehur se është krenare që përfaqëson shtetin si ambasadore nderi e Kosovës.

Në skenën evropiane e botërore po dominojnë edhe Dua Lipa e Bebe Rexha. “Mendoj se është e mrekullueshme që kemi shansin të tregojmë talentin tonë nëpër botë. Jam po ashtu e lumtur që mund ta vëmë shtetin në pah”, është shprehur ndër të tjera Rita Ora.

Ora ka njoftuar pas Cyrihut do të këndojë në Milano të Italisë, deri më 2 maj do të jetë në Paris.

https://www.instagram.com/p/Bw24RI4hbAD/

---