Rreth 400 mijë vaksinime janë kryer në Shqipëri

Në Shqipëri deri më tash kanë mbërritur mbi 700 mijë vaksina të prodhuesve të ndryshëm, si nga SHBA-ja, Britania, Kina e Rusia

Autoritetet shëndetësore në Shqipëri tregojnë se deri më sot janë kryer gati 400 mijë vaksinime për COVID-19. Ministrja e Shëndetësisë e Shqipërisë, Ogerta Manastirliu, ka njoftuar se vetëm të mërkurën u kryen 13.173 vaksinime, duke e çuar numrin e përgjithshëm në 372.075, transmeton albinfo.ch.

Shqipëria ka kohë që ka nisur vaksinimin dhe është ndër të parat në rajon për ritmin e shpejtë të vaksinimit.

Sipas një deklarate të ministres Manastirliu, në Shqipëri deri më tash kanë mbërritur mbi 700 mijë vaksina të prodhuesve të ndryshëm, si nga SHBA-ja, Britania, Kina e Rusia.

Ndërkohë, në Kosovë deri më tash kanë mbërritur 24 mijë vaksina “Astra Zeneca” përmes programit COVAX dhe janë kryer rreth 20 mijë vaksinime deri të mërkurën në mbrëmje.

---