Scholz: Nuk ka shpresë për bisedime mes Rusisë dhe Ukrainës

FB - Scholz

Në një prononcim për media, kancelari gjerman, Olaf Scholz, nuk sheh asnjë shans për arritjen e negociatave midis Ukrainës dhe Rusisë për dhënien fund të luftës mes njera-tjetrës, derisa kjo e fundit të pranojë të tërhiqet nga territoret e pushtuara, përcjell albinfo.ch.

“Ukraina refuzon negociatat derisa trupat ruse të tërhiqen plotësisht nga territori ukrainas, përfshirë Krimenë, të cilën Moska e aneksoi më 2014. Në momentin që ata bëjnë të ditur se tërheqja e trupave po ndodh, rruga është e qartë për bisedimet me Ukrainën jam shumë i sigurt për këtë, por ne ende duhet të punojmë pak drejt kësaj”, tha Scholz.

Rusia është distancuar gjithashtu nga ideja e bisedimeve të paqes, pas njoftimit të Gjermanisë dhe vendeve të tjera perëndimore për furnizimin e Ukrainës me tanke luftarake.

Më tej presidenti ukrainas, Zelensky, ka deklaruar se sipas tij, Rusia po rigrupon trupat për t’u “hakmarrë” ndaj Evropës dhe Ukrainës.

“Tani, Rusia po përqendron forcat e saj. Ne të gjithë e dimë atë. Ajo po përgatitet të përpiqet të hakmerret, jo vetëm kundër Ukrainës, por kundër Evropës së lirë dhe botës së lirë”, ka thënë presidenti rus.

Këtë të premte (3 shkurt) Kievi pret një samit të profilit të lartë BE-Ukrainë.