Sekuestrohen 8 vetura nga policia zvicerane për shkak të zhurmës së madhe

Arifin Salleh @arifinsalleh

Mediat zvicerane kanë shkruar për një fenomen që çdoherë e më shumë po rritet tek personat, të cilët dëshirojnë që vetura e tyre sportive të ketë një zhurmë të madhe për të përjetuar adrenalinën gjatë vozitjes, transmeton albinfo.ch.

E për këtë policia zvicerane ka ndaluar tetë vetura në qytetin e Thunit dhe me këtë rast shoferët e veturave janë ftuar për intervistim, për kuptimin e qëllimit të tyre.

Arsyeja e ndalimit të këtyre veturave është bërë sepse ato po bënin zhurmë të madhe në qytet.

Thuhet se automjetet janë dërguar në qendrën e inspektimit të trafikut, ku do të kontrollohen teknikisht.

Ndaj drejtuesve të makinave pritet të ngritet akuzë për shkaktimin e panevojshëm të zhurmës dhe për shkeljen e Aktit të Trafikut Rrugor.