Shabani, “mollë sherri” mes Kosovës dhe Shqipërisë

Mesfushori me prejardhje nga Kosova është ftuar nga Gjermania U-20, derisa po kërkohet nga Shqipëria dhe Kosova

Shumë futbollistë shqiptarë janë në dilema se cili shtetin të përfaqësojnë në futboll.

Disa janë të kërkuar nga Kosova e Shqipëria, por disa të tjerë edhe nga Gjermania apo Zvicra.

Njëri ndër ta është edhe Meritan Shabani. Mesfushori me prejardhje nga Kosova është ftuar nga Gjermania U-20, derisa po kërkohet nga Shqipëria dhe Kosova, shkruan albinfo.ch.

“Realiteti është se Shabani nuk ka marrë ende një vendim, kjo është situata. Ai nuk ka marrë një vendim përfundimtar. Këtë na ka komunikuar familja e tij”, deklaroi Panucci gjatë konferencës për shtyp.

Por, trajneri i Kosovës, Bernard Challandes u shfaq optimist dhe i bindur se talenti i gjigantëve gjermanë, do të veshë fanellën e Kosovës, pavarësisht se nuk është ftuar ende për të qenë pjesë.

“Kam takuar familjarët e Shabanit dhe më kanë konfirmuar se lojtari do të luajë për Kosovën. Ky është vendimi i tyre. Bëhet fjalë për një futbollist të ri, me një të ardhme të ndritur, ndaj presim që të vijë dita, të debutojë me Kosovën”, deklaroi Challandes në konferencën për media.

Zyrtarisht Shabani nuk ka deklaruar se për cilën Kombëtare do të luajë

---