Shkurt.ch

Shkrimtarja Han Suyin vdiq në Lozanë

E hënë, 5 Nëntor 2012 - 9:09 albinfo.ch

Shkrimtarja Han Suyin vdiq të premten në Lozanë, ku banonte prej vitesh, njoftoi agjencia italiane Adnkronos. Ajo ishte 95 vjeçe. Romanet e saj, esetë politike dhe takimet e saj historike gjatë karrierës me Indira Gandin dhe Mao Ce Dunin i kanë dhënë asaj një reputacion botëror.

Puna më e madhe e romancierës ishte një autobiografi në pesë vëllime. Ajo ka shkruar gjithashtu romanet “Ditët e para të Botës”, “Përmbytja e mëngjesit”, “Njëqind lule “, “Deri në mëngjes”, “Në qoftë se vetëm dashuria mbetët” dhe një biografi të shkurtër për Mao si dhe një studim për Tibetin. Funerali i saj do të mbahet të enjten në Lozanë.