Një shpërthim ka ndodhur pas mesnate te zyrat e reja të Postës së Kosovës në Zveçan. Lajmin e ka konfirmuar policia.

Zëvendësdrejtori i Policisë për Rajonin e Mitrovicës, Veton Elshani, ka theksuar se rasti ka ndodhur rreth orës 00:30, duke shkaktuar dëme materiale, përcjell albinfo.ch.

“Persona të lënduar nuk ka. Janë shkaktuar dëme materiale, thyerje xhamash, por nuk ka të lënduar,” ka thënë ai.

Sipas tij, njësitet përkatëse të policisë kanë dalë në vendngjarje dhe po zhvillojnë hetimet për rastin.

Ai njoftoi se njëra ka shpërthyer, ndërsa tjetrën ekipet përkatëse e kanë shpërthyer në mënyrë të kontrolluar.