Shqipëri: 19-vjeçarja me Covid lindi me sukses djalin

Quhet Manuela Hemollari, është 19-vjeçare, e cila solli në jetë dje foshnjën e saj në spitalin “Shefqet Ndroqi”, i njohur ndryshe si Covid 2, transmeton albinfo.ch.

Prej 10 ditësh ishte diagnostikuar me Covid-19 dhe trajtohej në shtëpi. Vështirësia në frymëmarrje dhe temperatura e detyruan të shtrohej në spital më 9 mars, në gjendje jo të mirë shëndetësore.

Ani pse situata klinike po rëndohej dhe jeta e 19-vjeçares dhe foshnjës po rrezikohej, u bë e mundur lindja e fëmijës në sallat e spitalit “Shefqet Ndroqi”, në bashkëpunim me stafin e spitalit obsetrik-gjinekologjik “Koco Gliozheni”.

“Mezi merrja frymë, pastaj vajta me ambulancë te Shefqet Ndroqi, erdhi ekipi i maternitetit dhe me operauan atje, i falënderoj të gjithë mjekët që më shërbyen“, thotë ajo një ditë më pas. /Albinfo.ch