Shqipëri: E premtja, ditë pushimi për administratën shtetërore

Dita e premte do të jetë pushim për punonjësit e administratës, e cila vjen pas festës zyrtare të Ditës së Verës.

Lajmin e bëri të ditur kryeministri i Shqipërisë, Edi Rama, përmes një postimi në rrjetet sociale, duke deklaruar se nga ky vendim përfitojnë të gjithë punonjësit që nuk janë pjesë e funksioneve kritike.

“Me këtë vendim të Këshillit të Ministrave u japim mundësi të gjithë punonjësve të shtetit që nuk janë pjesë e funksioneve kritike të marrin një ditë më shumë pushim mes Ditës së bukur të Verës dhe fundjavës që gjithsesi e kanë pushim! Gëzuar Ditën e Verës”, shkruan Rama.