Shqipëri: Këtë muaj prezantohet projekti përfundimtar për portin e Durrësit

Kryeministri Edi Rama deklaroi sot se, më 12 dhjetor bëhet prezantimi i projektit përfundimtar për portin e ri tregtar të Durrësit.

I pyetur nga qytetarët në një bashkëbisedim online me qytetarët dhe mediet lidhur me projektin e portit turistik të Durrësit, Rama u shpreh se, “me portin e Durrësit, po bëjmë një hap kolosal përpara që do të ndikojë drejtpërdrejtë bilancin e pagesave të Republikës së Shqipërisë. Flas me portin turistik, sepse shumëkush i sheh këtyre investimeve njërën anë e nuk sheh anën tjetër që është dhe arsyeja pse këto investime mbështeten”.

“Arsyeja pse këto investime mbështeten kështu është sepse këto investime shkojnë shumë më përtej gjësë aty. Këto kanë ndikim të jashtëzakonshëm në ekonominë e vendit, në gjithë zinxhirin e ekonomisë së vendit, pa harruar që pastaj këto sjellin një numër eksponencial konsumatorësh të rinj në vend përmes turizmit dhe këta konsumatorë konsumojnë këtu prodhimet e këtushme e konsumojnë këtu, shërbimet e këtushme”, tha Rama.