Rrugët e Tiranës dhe qyteteve të tjera të Shqipërisë janë të mbushura me grupe turistësh.  

Nga analiza 6-mujore e policisë kufitare rezulton se mbi 11.6 milionë qytetarë kanë hyrë dhe kanë dalë nga Shqipëria, shkruan Top Channel. 

Autoritetet kanë regjistruar mbi 3.3 milionë mjete që kanë lëvizur në kufi. 

 Instituti i Statistikave njofton se vetëm gjatë muajit maj kanë dalë nga kufiri 1.1 milionë persona dhe kanë hyrë 1.2 milionë, nga të cilët mbi 705 mijë janë të huaj, përcjell albinfo.ch. 

Numrin më të lartë të të huajve që vijnë në Shqipëri e mbajnë europianët, që pasohen nga amerikanët dhe të huaj nga vendet e Azisë Lindore.

Analizat që kanë kryer autoritetet shqiptare tregojnë se gjatë muajit maj, nga 705 mijë të huaj që kanë hyrë në Shqipëri, 20 % e tyre kanë deklaruar se kanë ardhur në vendin tonë për arsye biznesi.

16% e të huajve të tjerë kanë deklaruar se vizitojnë Shqipërinë për arsye personale dhe rreth 13% vijnë në Shqipëri për turizëm, përcjell albinfo.ch.