Studentët ndërkombëtarë vazhdojnë të vijnë në Zvicër, pavarësisht Covid-it

(KEYSTONE/Gaetan Bally)

Studentët ndërkombëtarë ende po vijnë në Zvicër – një destinacion i njohur për studentët jashtë shtetit – pavarësisht nga pandemia e koronavirusit.

Por, ata përballen me më shumë sfida për t’u vendosur. Kur studenti i Masterit, italiani Giuseppe Gruttad’Aruria, mbërriti në qytetin perëndimor të Zvicrës, në Fribourg, në gusht të vitit të kaluar, kufizimet e Covid-19 ishin lehtësuar dhe universitetet vendosën të hapeshin për semestrin e vjeshtës, megjithëse nën masa të rrepta të higjienës dhe maskambajtjes.

Ai ishte në gjendje të ndiqte një kurs parasemestral të frëngjishtes, të bënte disa miq dhe të njihej me rajonin. Por, nga nëntori kjo kishte ndryshuar e gjitha. Universitetet zvicerane u kthyen në mësimin në distancë – për herë të dytë atë vit – pasi pjesa më e madhe e Evropës, përfshirë Zvicrën, përjetuan një valë të dytë, të fortë, me koronavirusin.

Universitetet zvicerane do të kthehen në mësimin në distancë nga e hëna, ndërsa shkollat do ​​qëndrojnë të hapura. Kjo nuk e pengoi Gruttad’Aruria, i cili po bën një diplomë Master dyfish në Ekonomi Publike dhe Financa Publike në Universitetin zviceran të Fribourg-ut dhe Universitetin italian të Piemonte Lindore.

“Në Itali unë punoj si tutor i universitetit, duke dhënë mësim në matematikë dhe statistikë, por pandemia më lejon të bëj punën time në internet për tërë vitin akademik. Kjo më motivoi të konsideroj zgjatjen e qëndrimit tim në Zvicër [nga minimumi një semestër] në një vit, për të përfunduar kurset Master këtu, duke përfshirë edhe projektin kërkimor”, tha Gruttad’Aruria për swissinfo.ch. Situata përsëri në Itali, ku kufizimet ishin më të forta, gjithashtu luajti një rol.

“Këtu në Zvicër u ndjeva më i lirë, pavarësisht nga situata, duke ruajtur vëmendjen dhe vëzhgimin më të madh”, tha ai. Studenti thotë se nuk e ka problem mësimin në internet, shkruan swissinfo.ch, përcjell tutje albinfo.ch.