Sulmuesi kosovar i Bayernit po tërheq vëmendje në Bundesligë

Sulmuesi 18-vjeçari kosovar po shkëlqen në Bayern Munich

Sipas informacioneve, Leon Dajaku ka bërë paraqitjen e tij të dytë në Bundesligë për Bayern Munichun në fitoren e kampionit në fuqi të Gjermanisë kundër Hertha Berlinit në xhiron e 18-të. Paraqitja e tij bëri që faqja zyrtare e Bundesligës ta shkruajë një artikull për të, përcjell albinfo.ch.

Po ashtu, Dajaku kishte qenë pjesë e akademisë së Stuttgartit që nga mosha 13-vjeçare, pasi kishte kaluar pak kohë me Spsvgg Rommelshausen dhe FSV Waiblingen. Adoleshenti kishte qenë mbresëlënës me numrin e golave të shënuara qysh në fillim të karrierës, shkruan faqja e Bundesligës, transmeton Express.

Stuttgarti e mbylli sezonin 2017/18 të Bundesligës U17 në pozitën e dytë, me baras pikë me liderin Bayernin por me dallim më të vogël në gola, ndërsa Dajaku ishte golashënuesi më i mirë me 23 gola.

Në sezonin 2018/19 ai u ngrit në nivelin më të lartë të futbollit për të rinj në Gjermani, dhe i shënoi 11 gola në 24 ndeshje të Bundesligës u19. Dajaku iu bashkua Bayernit pasi e fitoi Kupën e DFB-së U19 me Stuttgartin.

---