Tërhiqet iniciativa kundër “raserëve”

Bartësit e Iniciativës “Mbrojtje nga ngasësit e shpejtë të makinave” e kanë tërhequr iniciativën e tyre.

Organizata që përfaqëson viktimat në komunikacion “Roadcross” e cila angazhohet për siguri në trafik, është e mendimit se me masat e ndërmarra në kuadrin e pakos së masave “Via Secura” dhe me revizionin e Kodit Penal të bërë së fundi nga parlamenti, plotësohet tërësisht qëllimi për të cilin ishte ngritur iniciativa.

Ndër të tjera, iniciativa kërkonte dënime me burg për ngasësit e shpejtë (Raser), me ç`rast e precizonte se prej cilës shpejtësi dikush mund të konsiderohej ngasës i shpejtë i papërgjegjshëm.

Me këtë rast “Roadcross” shpreh kënaqësinë me faktin se kodi penal i reviduar, i cili hyn në fuqi më 1 janar 2013, parasheh një figurë të re të veprës penale të ngasjes së shpejtë e të rrezikshme të automjeteve.