Tërmet në jug të Shqipërisë, lëkundjet ndihen në disa qytete

Një tërmet me magnitudë 4.5 është regjistruar në jug të Shqipërisë, me epiqendër pranë Himarës. Lëkundjet janë ndjerë në disa qytete të zonës.

Tërmeti është regjistruar rreth orës 00:40, ndërsa sipas raportimeve të para, epiqendra e tij ishte rreth 6 kilometra larg Himarës, përcjell albinfo.ch.

Thellësia e tërmetit është regjistruar në rreth 5 kilometra.

Lëkundjet janë ndjerë në Himarë dhe në disa qytete përreth, duke shqetësuar banorët.

Deri më tani nuk raportohet për dëme materiale apo persona të lënduar.

---