Tiranë: Dita e 16-të e protestës, qytetarët grumbullohen në sheshin “Skënderbej”

Në ditën e 16-të të protestave, marshuesit që po kundërshtojnë projektin e investimit në zonën e mbrojtur Pishë Poro–Nartë kanë paralajmëruar një marshim të ri në Tiranë, në kuadër të protestave kundër punimeve në Zvërnec.

Sipas organizatorëve, qytetarët do të mblidhen fillimisht në shesh, për të vijuar më pas marshimin në bulevardin “Dëshmorët e Kombit” dhe për t’u ndalur para ndërtesës së Kryeministrisë, ku do të mbahen fjalime nga aktivistë dhe pjesëmarrës të protestës, transmeton albinfo.ch.

Ndryshe, protestuesit po kërkojnë anulimin e projektit në Zvërnec dhe dorëheqjen e qeverisë së kryeministrit Edi Rama. Projekti është i lidhur me Jared Kushner, dhëndrin e presidentit amerikan Donald Trump dhe vajzën e tij.