Shqipëria

Tiranë: Gjashtë policë të plagosur dhe 17 protestues në spital

E enjte, 23 Korrik 2026 - 17:40 albinfo.ch
Foto sc FB

Në Tiranë sot po zhvillohet tubini i radhës para Kuvendit, protestë e cila ka përshkallëzuar në tensione mes protestuesve dhe forcave të policisë.

Policia ka blinduar zonën, duke vendosur gardh metalik që nga kryqëzimi i ‘Rrugës së Elbasanit’ teksa protesta ka përshkallëzuar me vezë dhe domate ndaj policëve, ndërsa policia i është kundërpërgjigjur me ujë dhe gaz lotësjellës.

Pas disa orësh seancë plenare, në Kuvend mbërriti edhe Kryeministri Edi Rama.

Pas mbërritjes së tij demokratët kanë bllokuar sërish foltoren dhe pas kësaj janë mbyllur diskutimet dhe u kaluar direkt në votim.

Pas mbylljes së seancës, ka pasur një moment të tensioni, pasi protestuesit kanë pikasur duke u larguar një nga automjetet e përfaqësuesve të mazhorancës, shkruan tch. Me vezë është goditur një nga makinat e deputetëve, teksa në atë moment një nga zyrtarët e policisë arrin të pikasë një nga protestuesit që po godiste dhe në atë moment protestuesit e tjerë vërshuan për ta mbrojtur, transmeton albinfo.ch.

Një numër i madh forcash policie ndërhynë më pas dhe qetësuan situatën, teksa shoqëruan edhe të paktën dy prej protestuesve që goditën makinën e një prej deputetëve.

 Të tjera nga Shqipëria

Shqipëria e quan mesazh uniteti listën e përbashkët të shqiptarëve në zgjedhjet në Serbi

 E-Diaspora

 Jeta në Gjermani