“Tiranës i mungon frymëmarrja”, mbi 3 mijë të vdekur në 2021-tën nga ndotja

Në vitin 2021 u regjistruan mbi 3 mijë vdekje në Tiranë për shkak të ekspozimit ndaj ndotjes. Kështu ka thënë eksperti i mjedisit, Rodion Gjoka, duke iu referuar statistikave nga Agjencia Europiane e Mjedisit.

Në vitin 2021 u regjistruan mbi 3 mijë vdekje në Tiranë për shkak të ekspozimit ndaj ndotjes. Kështu ka thënë eksperti i mjedisit, Rodion Gjoka, duke iu referuar statistikave nga Agjencia Europiane e Mjedisit.

Në një intervistë për Euronews Albania, Gjoka u shpreh se për shkak të ndërtimeve të shumta, Tiranës i mungon frymëmarrja, përcjell Albinfo.ch.

Sipas tij, densifikimi i qytetit ka sjellë problematika të shumta për qytetarët.

“Densifikimi i qytetit ka sjellë problematika. Ato probleme ne i kemi ndierë dhe dimë të themi sot se çfarë kanë shkaktuar në gjithë komunitetin. Kanë shkaktuar mungesë të frymëmarrjes së qytetit, që është më kryesorja. Mungesa e hapësirave të qytetit për të ofruar shërbime publike rrit koston e jetesës. Vetëm për shkak të zhurmave, ne kemi vënë re që janë të paktën 300 mijë qyetetarë që ballafaqohen me zhurma që i kalojnë sandardet”, ka thënë ai.

Ajri, sipas Gjokës, ka momente në Tiranë që i kalon të gjitha limitet sa u takon grimcave të imta, të dukshme, të padukshme dhe dioksidit të azotit.

“Cilësia e ajrit vitin e kaluar në Tiranë, në 128 ditë të vitit i ka kaluar standardet e lejuara. Agjencia Europiane e Mjedisit thotë që ka mbi 3 mijë vdekje të parakohshme në Tiranë për shkak të ekspozimit ndaj ndotjes së ajrit, Lind pyetja, nga i merr të dhënat kjo agjenci kur institucionet shqiptare nuk monitorojnë dhe raportojnë”, theksoi ai./Albinfo.ch

---