Tragjedi në Durrës: Mbytet 11-vjeçari gjatë larjes në det

Një ngjarje e rëndë ka ndodhur këtë të diel në plazhin e Durrësit, ku një fëmijë 11-vjeçar ka humbur jetën tragjikisht gjatë qëndrimit në det.

Sipas njoftimit zyrtar të Policisë së Shtetit, ngjarja është regjistruar rreth orës 10:35, në lagjen nr. 13 të qytetit të Durrësit. Gjatë kohës që i mituri, me banim në Tiranë, po lahej në det, dyshohet se është mbytur aksidentalisht.

Menjëherë pas incidentit, janë njoftuar autoritetet përkatëse, ndërsa në vendngjarje ka mbërritur grupi hetimor, i cili po punon për sqarimin dhe dokumentimin e plotë të rrethanave të ngjarjes.

Policia bën të ditur se vijojnë hetimet për të përcaktuar shkakun e saktë të mbytjes së të miturit.