Tri qytetet më të shtrenjta në botë për të blerë një shtëpi

unsplash Zvicer @cosmictimetraveler

Veçohet se në Romë, Mynih dhe Londër, një familjeje i duhen rreth 16 vjet të bëhet pronare e një shtëpie. Në qytetet si Vjena apo Madridi, i duhen 11,1 deri 11,3 vjet.

Sipas të dhënave të Numbeo për renditjen e 23 qyteteve të përzgjedhura nga “Monitor” për treguesin e përballueshmerisë për blerjen e një apartamenti, Tirana ka çmimet më të shtrenjta pas kryeqytetit të Serbisë dhe Parisit.

Sipas këtij indeksi, në Tiranë duhen 18,7 vjet të ardhura për të blerë një banesë, ndërsa në Budapest duhen 14,8 vjet, në Zyrih 12 vjet, në Vjenë, 11.1 vjet, në Amsterdam 9.5 vjet dhe në Bruksel, 6.5 vjet. Për qytete si Majami në SHBA duhen 5.3 vjet dhe për të blerë një shtëpi në Dubai, 3.7 vjet.

Në Tiranë, një apartament me sipërfaqe 100 m² në afërsi të qendrës nis me vlerë nga 100,000 euro.

Për shkak të të ardhurave të ulëta, një familje shqiptare i duhet më tepër vite për t’u bërë pronar i një shtëpie, krahasuar me qytetet kryesore europiane.

Më i shtrenjti në rajon është Serbia, ku duhen 20 vjet për t’u bërë pronar shtëpie. Në rajon, qyteti ku familjeve u duhet më pak vite të ardhura për të blerë një apartament është Zagrebi dhe Shkupi.