Trenat zviceranë, gjithnjë e më të ngadaltë, por të përpiktë

Tren Page Pixabay pasja1000

Trenat zviceranë po bëhen gjithnjë e më të ngadaltë, veçmas rasti në linja të caktuara, veçanërisht në Zvicrën frëngjishtfolëse midis Gjenevës dhe Lozanës, ku koha e udhëtimit është zgjatur për disa minuta, transmeton albinfo.ch.

Vite më parë ishte e mundur udhëtimi nga Gjeneva dhe Vaudi me tren për më pak se 30 minuta, me kusht që të merrnin njërën nga dy rrugët “Cisalpino” që lidhnin Gjenevën dhe Lozanë pa u ndalur, përpara se të vazhdonte drejt Valais dhe Italisë.

Të njëjtës rrugë sot i duhen mbi 36 minuta për të udhëtuar në brigjet e Liqenit të Gjenevës, dhe madje edhe më shumë minuta kur bëhet fjalë për një tren direkt tradicional.

Sidoqoftë, për Hekurudhat Federale Zvicerane (SBB) shpejtësia nuk është përparësia – por vlen të theksohet se muaj më parë saktësia e arritjeve të trenave në stacione doli të jetë e përpiktë.

RTS shkruan se “sondazhet që kryejmë me klientët tanë na tregojnë se ajo që është me të vërtetë e rëndësishme për pasagjerët, është përpikmëria. Ata preferojnë një tren më të ngadaltë nga një ose dy minuta, për sa kohë që kjo garanton besueshmëri më të mirë të orarit ”, sipas zëdhënësit të SBB-së, Frédéric Revaz.