Ushtria zvicerane i siguron Ukrainës doreza dhe batanije

Foto Ilustrim

Zvicra ka dërguar doreza ushtarake, çorape dhe batanije në Ukrainë për të ndihmuar popullatën e saj të përballet me dimrin, ndërsa Rusia bombardon infrastrukturën e saj energjetike, përcjell albinfo.ch.

Ngarkesa e fundit e një pakete ndihme humanitare prej 180 milionë CHF do të dorëzohet në Kiev brenda tri ditësh.

Zvicra ka dërguar më parë ngrohës dhe gjeneratorë në vendin e shkatërruar nga lufta.

170,000 palë doreza, 40,000 çorape dhe 2,000 batanije janë nxjerrë nga furnizimet ushtarake zvicerane, tha qeveria të enjten.

Pas një vizite në Kiev në tetor, ministri i Jashtëm zviceran, Ignazio Cassis, u tha mediave: “Tashmë mund ta ndjeni të ftohtin në Kiev”.

Megjithatë, Zvicra refuzon të lejojë vendet e tjera të rieksportin armë ose municione në Ukrainë, duke thënë se kjo do të shkelte pozicionin e saj të neutralitetit.

Një komision parlamentar zviceran thotë se është duke eksploruar rrugët për të hequr ndalimin e municioneve të rieksportuara të prodhimit zviceran.

Kjo vjen në sfondin e vendeve të tjera që debatojnë se sa pajisje ushtarake duhet t’u dërgojnë forcave ukrainase që luftojnë pushtuesit rusë, përcjell tutje albinfo.ch.