Varroset albanologu, prof.dr. Skender Gashi

Foto: MDIS

Profesori Skender Gashi është varrosur sot në fshatin e tij të lindjes, në Mramuer, përcjell albinfo.ch.

Siç njofton MDIS, personalitete të shumta pubike, miq dhe familjarë i kanë dhanë lamtumirën albanologut Gashi, i cili u nda nga jeta ditën e enjte në Vjenë të Austrisë.

Në një fjalë rasti para të pranishmëve Halil Matoshi e ka quajtur Gashin si prijës të lirisë e pavarësisë, si atdhedashës i pashoq dhe bartësi më i denjë i flamurit dardan, thuhet tutje në njoftim.

Ndërsa ministri Dardan Gashi, i cili është djali i të ndjerit, ka falënderuar të gjithë për mbështetjen e dhënë dhe për fjalët dashamirëse për profesor Skender Gashin.

Dr.Skender Gashi ishte udhëheqës i katedrës së Gjuhës Shqipe në Universitetin e Vjenës për më shumë se dy dekada. Ai kontribuoi për Institutin Albanologjik të Kosovës.

“Dr. Gashi ka të botuara me qindra punime shkencore e dhjetëra libra në Austri, Kosovë, Shqipëri e Kroaci. Ai ishte autor i revistës shkencore për kulturën dhe historinë shqiptare në gjuhën gjermane, “Dardania”, përcjell albinfo.ch.