Washington Post sugjeron Shqipërinë mes destinacioneve perfekte për 2024-ën

Washington Post sugjeron 12 destinacionet perfekte për vitin 2024

 

Në prestigjiozen “Washington Post” Shqipëria është mes destinacioneve, të cilat sugjerohen mes 12 destinacioneve perfekte për vitin 2024, përcjell albinfo.ch.

“Në rivierën shqiptare mund të gjeni një konstelacion qytetesh të vogla si Dhërmiu”, shkruan gjiganti mediatik, pa lënë jashtë liste edhe Tiranën për eksperienca të jashtëzakonshme të kulinarisë dhe historisë.

Gjatë viteve të fundit, Shqipëria është kthyer në një atraksion i rëndësishëm me plazhet më të bukura në Europë.

Ujërat e pastër, bregdeti i thyer dhe akomodimet e përballueshme, të gjitha kanë tërhequr vëmendjen e turistëve.

“Dhe ndryshe nga disa nga fqinjët e saj ballkanikë, Shqipëria është “e paprekur”, tha Ema, gazetarja anonime shqiptare e udhëtimeve që drejton revistën “Ema’s Light”, cituar në artikull.

“Merrni një makinë me qira dhe vizitoni Rivierën Shqiptare, ku do të gjeni një plejadë qytetesh të vogla me plazhe perfekte, si Dhërmiu”, shkruan “Washington Post”.

https://www.washingtonpost.com/travel/interactive/2024/underrated-travel-ideas-best-vacations-without-crowds/?fbclid=IwAR0OdHj4g526ZdIe0JL7k8Ib6BEuVOYR60GZn8foFx5itXNdRehSmrzsqaM

---