Yakin: Xhaka do të luajë edhe shumë vjet për Zvicrën

(KEYSTONE/Gian Ehrenzeller)

Granit Xhaka do të luajë edhe shumë vjet për Zvicrën. Kështu të paktën ka thënë përzgjedhësi i Zvicrës, Murat Yakin të hënën në konferencë për shtyp.

“Qartë se ai do të luajë për kohë të gjatë. Lojtarët e tjerë do t’i japin fund para tij. Ai e shijon futbollin aq shumë dhe e udhëheq gjithë ekipin”, ka thënë Yakin.

Për lojtarët e larguar së fundi nga Zvicra, ku përfshihet edhe Xherdan Shaqiri, foli edhe Xhaka, transmeton albinfo.ch.

“Asnjëherë nuk dëshironi të humbni lojtarë. Dhe po, tre lojtarët që u pensionuan ishin shumë të rëndësishëm. Por kemi shumë lojtarë të rinj që kanë kualitet enorm. Dhe po, është proces. Por nuk kemi shumë kohë në ekipin nacional. Kemi disa ndeshje në vit dhe duhet të shfaqemi në to”, ka thënë Xhaka.