Yjet e ardhshëm të Kosovës

Kosova U21 të martën mbrëma ka mundur Turqinë U-21 me rezultat 3:1. Kjo ishte një fitore e madhe për Dardanët e rinj.

“Jam shumë i lumtur me këtë fitore, përgëzoj lojtarët për një ndeshje fantastike të zhvilluar. E kam thënë edhe më herët dhe do ta them vazhdimisht që koha është duke punuar për futbollin e Kosovës.

Më vjen mirë që kishte shumë tifozë të pranishëm, falënderoj ‘Dardanët’ të cilët na dhanë një përkrahje të madhe gjatë gjithë ndeshjes. Për një ekip që është pranuar që dy vite në UEFA, 7 gola për dy ndeshje mendoj që nuk janë pak”, deklaroi përzgjedhësi i Kosovës, Rafet Prekazi, përcjell albinfo.ch.

I lumtur për fitoren ishte edhe Lirim Kastrati, njëri nga lojtarët më të mirë në fushë në ndeshjen e mbrëmshme.