Zemaj jep detaje shtesë për mërgimtarët lidhur me testin e COVID 19

Facebook

Ministri i Shëndetësisë, Armend Zemaj, ka folur rreth situatës me pandeminë COVID-19, si dhe për lirimin e masave në Kosovë.

Në mesin e lehtësimit të masave  përfshihet edhe hapja e aeroportit dhe lejimi i disa fluturimeve. Me këtë rast është rekomanduar edhe testi negativ për koronavirus.

“U kemi rekomanduar qytetarëve që ta bëjnë testin, por nuk është obligativ që të hyjnë vetëm me dëshmi të testit”, u shpreh Zemaj.

Në faqen e Ambasadës së Kosovë në Bernë bëhet e ditur se aeroporti do të funksionojë me linja të rregullta ajrore që nga data 28 qershor.

Gjithashtu të gjithë udhëtarët që hyjnë në Kosovë rekomandohen të kenë testin negativ për koronavirus, jo më të vjetër se katër ditë.

“Qeveria e Republikës së Kosovës ka marrë vendim për rihapjen e Aeroportit Ndërkombëtar „Adem Jashari“. Aeroporti do të fillojë të funksionojë me linja të rregullta ajror nga data 28 .06. 2020. Të gjithë udhëtarët që hyjnë në territorin e Republikës së Kosovës rekomandohen të kenë testin RT-PCR negativ, jo më të vjetër se katër ditë”, përfundon njoftimi./albinfo.ch