Zvicër: Turistët hasën në ujqër, këshillat që duhet t’i dini

EPA/FILIP SINGER

Një grup turistësh në Graubünden u ndoqën nga ujqërit ndërsa dolën në hiking, javën e kaluar.

Zyra Kantonale e Gjuetisë dhe Peshkimit thotë se këmbësorët ishin pranë Steileralp – rreth 50 km në jug të Chur, përcjell albinfo.ch.

Dy ujq të rritur u afruan – por qëndruan rreth 10 metra larg – pastaj ata hasën në katër të tjerë, që ka të ngjarë të jenë këlyshë.

Ujqërit ndoqën udhëtarët për një kohë.

Këshilla është nëse hasni ujqër, duhet të qëndroni të palëvizshëm dhe t’u drejtoheni atyre me një zë të fortë. Ju nuk duhet të lëvizni drejt tyre ose t’i ndiqni.

Ujqërit janë natyrisht të kujdesshëm rreth njerëzve. Ekspertët thonë se ata mund të bëhen të rrezikshëm nëse mësohen me njerëzit – veçanërisht nëse i shoqërojnë njerëzit me ushqim.

Leja për vrasje

Gjuetarët do të lejohen të qëllojnë dy ujqër nga dy tufa të ndryshme – njëra në kantonin Vaud dhe tjetra në Valais.

Në të dy rastet bagëtia po sulmohet.

Zyra Federale e Mjedisit ka dhënë lejen, duke shpresuar se vrasja e ujqërve të rinj do të ndryshojë sjelljen e secilit tufë.