Zviceranët e duan keshin!

Edhe pse kartelat bankare janë të përhapura, numri i transaksioneve dhe vëllimi i parave kesh të tërhequra nga bankat zvicerane është rritur gjatë dekadës së fundit.

11 milionë herë u tërhoqën para me kartela bankare nga bankomatet zvicerane në dhjetor 2016. Në krahasim me dy vjetët e mëparshme, bëhet fjalë për një rënie të lehtë. Ky është rezultat i shifrave nga Banka Nacionale e Zvicrës (SNB), shkruan SDA, përcjell albinfo.ch.

Në dhjetor të vitit 2015 kanë qenë 11.17 milionë tërheqje, në dhjetor 2014 kanë qenë 11.06 milionë transaksione nga bankomatet ATM. Megjithatë, nëse shifrat krahasohen gjatë një periudhe prej dhjetë vjetësh, një rritje është vërejtur.

Shumat e tërhequra me karta debiti janë edhe më të vogla. Në dhjetor 2016 ishin 2.735 miliardë franga zvicerane në krahasim me 2.743 miliardë në muajin e kaluar. Por, edhe këtu – në krahasim me një dekadë, ka pasur një rritje. Në vitin 2006, niveli ishte ende në 2.181 miliardë franga zvicerane. Përveç kësaj, rritja mesatare është pak më e lartë: në dhjetor të vitit 2016 ajo arriti në 249 franga, në krahasim me 241 franga në fund të vitit 2006.