Zvicra, kundër trafikimit

Zvicra do të marrë masa të ashpra kundër trafikimit të qenieve njerëzore

Ministrja e Drejtësisë, Simonetta Sommaruga, ka prezantuar të enjten një plan nacional të veprimit kundër trafikimit.Plani i veprimit synon ndërgjegjësimin për një abuzim të tillë. Konkretisht është njoftuar opinioni se trafikimi i qenieve njerëzore nuk do të tolerohet në Zvicër.

“Karakteristikë është në Zvicër se viktimat nuk vendosin vetë, po tregtohen si mall”. Kjo vlen, sipas Sommarugas, për gratë nga vendet e varfra, të cilat joshen me premtime të rrejshme në Zvicër.Nga ana tjetër, është vështirë të flitet për shifra të sakta sesa është i përhapur trafikimi i qenieve njerëzore në Zvicër.

Në raportin vjetor të Zyrës Federale të Policisë thuhet se në të gjitha kantonet në vitin 2011 policia ka hetuar 222 raste nën dyshimin për trafikim me qenie njerëzore. Shumica e viktimave ishin gra, të cilat ishin të detyruara të bënin prostitucion.