“Zvicra mund të shërbejë si vend konferencash për Rusinë dhe Ukrainën”

Ambasadori i ri i SHBA-së në Zvicër, Scott Miller, beson se Zvicra ka bërë përparim të jashtëzakonshëm në miratimin e sanksioneve kundër Rusisë.

Ambasadori i ri i SHBA-së në Zvicër, Scott Miller, beson se Zvicra ka bërë përparim të jashtëzakonshëm në miratimin e sanksioneve kundër Rusisë, por se mund të bëhet më shumë për të mbyllur zbrazëtirat kur bëhet fjalë për gjetjen e fondeve të oligarkëve rusë.

Ai ka thënë në një intervistë në gazetën në gjuhën gjermane Tages-Anzeiger se neutraliteti nuk ka qenë kurrë një model statik, por model që duhet të përshtatet vazhdimisht me rrethanat. “Zyrat e mira të Zvicrës do të vazhdojnë të nevojiten”, ka thënë Miller, përcjell Albinfo.ch.

Tutje ka folur për rolin që mund të luajë Zvicra. “Për shembull, Zvicra një ditë mund të shërbejë si një vend konferencash që Rusia dhe Ukraina mund ta përdorin”, ka thënë ambasadori i SHBA-së.

Miller, i cili mori postin e ambasadorit të SHBA-së në Bernë në janar, tha se mosmiratimi i sanksioneve kundër Rusisë në vazhdën e pushtimit të saj në Ukrainë do të kishte shkaktuar dëme edhe më të mëdha në reputacionin e sektorit financiar zviceran.

Ai, megjithatë, argumentoi se Zvicra duhet t’i bashkohet Task Forcës së Elitave, Proxies dhe Oligarkëve Rusë, të iniciuar nga qeveria amerikane për të gjurmuar asetet ruse që fshihen në kompanitë guaskë dhe trustet në vend./Albinfo.ch

---