Zvicra ndërton burgje për pensionistë!

Në qendrën e burgimit në St.Johannsen të Bernës do të ndërtohen njësi të veçanta banimi për të burgosurit e moshuar

Gjithnjë e më shumë të burgosur në burgjet e Zvicrës po e mbërrijnë moshën e pensionimit, pleqërisë. Dhe shpesh burgjet në fjalë nuk janë sa duhet të përshtatura për nevojat e moshave të tilla.

Qeveria e kantonit të Bernës ia ka kaluar parlamentit të kantonit një kërkesë për një kredi, me të cilën, në qendrën e burgimit në St.Johannsen do të ndërtoheshin njësi të veçanta banimi për të burgosurit e moshuar.

Personat në moshë të shtyrë kanë vështirësi që të përshtaten në strukturën ditore të të burgosurve tjerë, e ka arsyetuar qeveria kërkesën e saj.

Ndërtimi i njësive të përmendura do të kushtonte 2.5 milionë franga.

Në prill të vitit 2011 në burgun qendror në Lenzburg është hapur sektori i parë për të moshuarit në gjithë Zvicrën.

Njëra ndër arsyet për numrin e shtuar të të moshuarve në burgje është se në shumicën e madhe të rasteve, të dënuarit me kujdestari, nuk lirohen nga burgu.