Zvicra regjistroi rastet e para të infeksionit me variantin “Mu”

(KEYSTONE/Ti-Press/Francesca Agosta)

Mediat zvicerane shkruajnë se varianti i ri i Coronavirusit, i njohur si “My”, ka arritur në Zvicër, përcjell albinfo.ch.

Janë raportuar 34 raste në Zvicër me variantin “Mu” që fillimisht është zbuluar në Kolumbi, shkruan 20 minute.

Autoritetet Shëndetësore në Zvicër (BAG) kanë raportuar për rastet me variantin e ri, ndonëse janë minimale deri më tash. Organizata Botërore e Shëndetësisë është duke e përcjellë variantin e ri, që ka mutacione të shumëfishta.

Referuar autoriteteve shëndetësore të Kolumbisë, shkaku i këtij varianti ka pasur numër të madh të vdekjeve me koronavirus në Kolumbi gjatë këtij viti. Dyshohet se mutacionet në variantin Mu mund të bëjnë të mundur që të shmangë mbrojtjen nga vaksinat.

Zëdhënësi i BAG-it, Gregoire Goignat, ka thënë për “20 minuten”, se nuk ka sinjalze se varianti “Mu” mund të bëhet variant dominues në Zvicër.