Shkurt.ch

Zvicrën e pret dimër i fortë

E mërkurë, 17 Tetor 2012 - 12:03 albinfo.ch

Borë e madhe dhe valë e të ftohtit, është parashikimi për dimrin e sivjetmë në Zvicër i meteorologut Dominik Jung nga wetter.net.  

“Bora e madhe dhe të ftohtit mund të çojë në kushte kaotike në trafik”, tha Jung. Rënia e parë e temperaturave pritet në mes të dhjetorit.  

Në të vërtetë ftohtë do të jetë gjatë muajit shkurt, thotë meteorologu zviceran.   ”Acari nga Rusia mund të sjellë ajrin direkt nga Siberia në vend”, thotë Jung.

Temperaturat e ngrirjes do të shkojnë deri në minus 20 gradë, ndërsa në Alpe deri minus 30 gradë.

Ndryshe prognozon Silvan Rosser nga organizata studentore “Metheo”. Ai thotë se ashtu si vitet e fundit, është e mundur që të paktën një muaj të ketë dimër shumë të ftohtë.