Zyrtare: Sylvinho largohet nga Kombëtarja e Shqipërisë

Trajneri brazilian mbyll ciklin me Kuqezinjtë pas kualifikimit historik në Euro 2024, drejtimi i kalon italianit Rolando Maran

Aventura e trajnerit brazilian Sylvinho në krye të Kombëtares së Shqipërisë ka përfunduar pas tre vitesh e gjysmë në drejtimin e kuqezinjve, përcjell albinfo.ch.

Ai mori drejtimin e Shqipërisë në fillim të vitit 2023 dhe deri tani ka udhëhequr skuadrën në 34 ndeshje zyrtare.

Arritja më e madhe e tij në stolin kuqezi mbetet kualifikimi historik në Kampionatin Evropian 2024, një sukses i rëndësishëm për futbollin shqiptar.

Pas përfundimit të kontratës, Sylvinho largohet nga Kombëtarja, ndërsa drejtimin e ekipit pritet ta marrë trajneri italian Rolando Maran.

Presidenti i FSHF-së, Armand Duka, ka konfirmuar mbylljen e këtij cikli, duke falënderuar trajnerin dhe stafin e tij për kontributin e dhënë.

“Mbyllëm një cikël me Sylvinhon dhe stafin e tij. E falënderojmë për kontributin në Kombëtare. Kemi kaluar një periudhë shumë të rëndësishme me emocione, kemi qeshur dhe kemi qarë. Në futboll është normale mbyllja e cikleve dhe ndahemi me konsensus”, tha Duka./Albinfo.ch

---